Tumhare pyar ne Guruvar, humko tumse joda hai,
Tumhare pyar ke bal par, humne jag ko chhoda hai,
Tumhi se O mere Guruvar, ye roshan chand sitarey hai,
Tumhi se chalti hai srishti, ajab tere najare hai,
Hum rehte the jis bhranti me, usey ab tumne toda hai,
Tumhare pyar ne Guruvar, humko tumse joda hai…
Tumhi teerath ho mandir ho, tumhi ho meri bandagi,
Tumhi dhadkan humari ho, tumhi ho meri jindagi,
Teri karuna ne hi Guruvar, hume khushiyo se joda hai,
Tumhare pyar ne Guruvar, humko tumse joda hai…
Tumhi dhadkan me meri ho, tumhi najro me samae ho,
Mera biran tha jeevan, tumhi bahaar lae ho,
Teri kirpa ne hi humko sache sukh se joda hai,
Tumhare pyar ne Guruvar, humko tumse joda hai…
Tera hi naam hey Guruvar, sabhi dukho ko harta hai,
Hai sachmuch dhanya wo prani, jo tera dhyan dharta hai,
Tumhare gyan ne humko, sahi disha me moda hai,
Tumhare pyar ne Guruvar, humko tumse joda hai…
Tumhari yaad me Guruvar, ansu ankh se behte hai,
Tumhe jo dekh na pae, to hum bechain rehte hai,
Tumhare pyar ke agey, sabhi ka pyar thoda hai,
Tumhare pyar ne Guruvar, humko tumse joda hai…
Dhara par tumne yu aa kar, bada upkaar kiya hai,
Ishwar ho kar bhi tumne, Bapu ka roop liya hai,
Teri leela ke varnan me, jo kahu wo thoda hai,
Tumhare pyar ne Guruvar, humko tumse joda hai…
Tere charno me O Guruvar, jhuke sari ye srishti hai,
Bhale kahi bhi rahe hum par, tumhari prem drishti hai,
Tumhare naam ki chadar ko, ab to humne odha hai,
Tumhare pyar ne Guruvar, humko tumse joda hai…
Hey karuna ke sagar Guruvar, humari ek hi arji hai,
Kare hum ab sada hi wo, tumhari jisme marji hai,
Tumhare naam ki chadar ko ab to humne odha hai,
Tumhare pyar ne Guruvar, humko tumse joda hai…
No comments:
Post a Comment